«Юксалиш» ҳаракатига янги раис сайланди
27 июль куни «Юксалиш» умуммиллий ҳаракати таъсисчилари йиғилишида Олий Мажлис Қонунчилик палатаси депутатлари орасидан янги раис сайланди.
Унга кўра, Парламент қуйи палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси аъзоси Бобур Бекмуродов ҳаракат раиси бўлди.
Б.Бекмуродов 1985 йил 5 январда Қашқадарё вилоятининг Яккабоғ туманида туғилган. У Ўзбекистон давлат жаҳон тиллари университети, Тошкент молия институтини тамомлаган. 2005—2006 йилларда АҚШнинг Ўзбекистондаги «Partnership for Academic development» (Академик ривожланиш бўйича ҳамкорлик») дастури тингловчиси, 2018 йилда «The John Smith Trust» (Буюк Британия) менеджмент дастури тингловчиси бўлган.
Эслатиб ўтамиз, аввалги раис Акмал Бурҳонов Коррупцияга қарши курашиш агентлигига раҳбар этиб тайинланганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter