ИИББ: Қўйлиқ бозорида бўш яшиклар ёнган
Бироз вақт муқаддам Қўйлиқдаги бозорда ёнғир содир бўлгани ҳақида хабар берилган эди. Ички ишлар бош бошқармаси томонидан бу борада расмий маълумот тарқатилди.
Бугун, 16 июн соат 13:53да 101 рақами орқали Бектемир туманида ёнғин бўлгани ҳақида хабар қилинган. Ёнғин Тошкент автомобил катта халқа йўли бўйидаги «Давру Даврон авто» МЧЖга қарашли юк машиналар автотураргоҳида ва ёнма-ён жойлашган «Кўкланги водий» улгуржи бозори ҳудудида келиб чиққан бўлиб, 60-70 метр квадрат жойдаги ёғоч таглама ва бўш яшиклар ёнган.
Соат 14:35да ёнғин тўлиқ бартараф этилган. Қурбонлар йўқ. Ҳозирча жабрланганлар ва ёнғин сабаби ҳақида маълумотлар аниқлаштирилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter