IIBB: Qo‘yliq bozorida bo‘sh yashiklar yongan
Biroz vaqt muqaddam Qo‘yliqdagi bozorda yong‘ir sodir bo‘lgani haqida xabar berilgan edi. Ichki ishlar bosh boshqarmasi tomonidan bu borada rasmiy ma’lumot tarqatildi.
Bugun, 16 iyun soat 13:53da 101 raqami orqali Bektemir tumanida yong‘in bo‘lgani haqida xabar qilingan. Yong‘in Toshkent avtomobil katta xalqa yo‘li bo‘yidagi «Davru Davron avto» MChJga qarashli yuk mashinalar avtoturargohida va yonma-yon joylashgan «Ko‘klangi vodiy» ulgurji bozori hududida kelib chiqqan bo‘lib, 60-70 metr kvadrat joydagi yog‘och taglama va bo‘sh yashiklar yongan.
Soat 14:35da yong‘in to‘liq bartaraf etilgan. Qurbonlar yo‘q. Hozircha jabrlanganlar va yong‘in sababi haqida ma’lumotlar aniqlashtirilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter