2020 йилнинг асосий ранги маълум қилинди
Ранглар ва уларнинг инсон фаолияти соҳаларига таъсирини ўрганиш билан шуғулланувчи Американинг «Pantone» институти мутахассислари 2020 йилнинг асосий рангига аниқлик киритишди. Бу классик кўк ранг — Pantone 19-4052 Classic Blue.
Экспертлар хулосасига кўра, бу ранг жуда гўзал, кечки осмонни эслатади, инсон қалбига хотиржамлик ато этади.
«Ушбу мустаҳкам кўк тус бизнинг келажакни қуриш мумкин бўлган ишончли ва барқарор пойдевор томон интилишимизни ифодалайди», — дейилади институт сайти матбуот-релизида.
Эслатиб ўтамиз, ушбу институт кўп йиллардан бери йилларнинг энг асосий рангини белгилаб келади. Масалан, якунига етиб бораётган 2019 йил ранги «энергия ва ғамхўрлик билан тўлдирувчи» «Жонли коралл» саналади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter