Яна Самарқанд. Ҳайдовчи ва кондукторлар муштлашишди
Самарқанд шаҳрида йўналишли ҳаракатланувчи автобус ҳайдовчилари ва кондукторлари иштирокида жанжал содир бўлди. Ушбу ҳолат юзасидан вилоят Ички ишлар бошқармаси маълумот берди.
Жорий йилнинг 10 октябрь куни соат 16:30да Самарқанд шаҳар Дахбед-Рудакий кўчалари кесишмасида йўналишли ҳаракатланувчи 64-сонли автобус кондуктори Қ.Ж. ва 52-сонли йўналишли ҳаракатланувчи автобус ҳайдовчиси М.Э. ва ушбу автобус кондуктори ўртасида жанжал юз берган.
Қайд этилишича, улар йўловчи олиш бўйича ўзаро тортишиб қолган. Жанжал давомида томонлар бир-бирларига тан жароҳатлари етказган.
Ҳозирда ҳолат юзасидан терговга қадар текширув ҳаракатлари олиб борилмоқда.
Аввалроқ Самарқандда автобус ҳайдовчиларининг жанжалидан сўнг улардан бири фожиали тарзда ҳалок бўлганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter