Навоийда сомон ортилган тракторда ёнғин чиқди
Ижтимоий тармоқларда «Ҳаракатланиб кетаётган трактордаги уч прицеп сомон ёниб кетибди» сарлавҳали маълумот тарқалди. ФВВ вазиятга изоҳ берди.
Маълум бўлишича, жорий йилнинг 4 июл куни соат 16:47да Навоий вилояти Навбаҳор тумани, «Меҳнат» МФЙ ҳудудидан ўтувчи «Учтут-қалқон» йўлининг 3 км.да ҳаракатланиб кетаётган трактор тиркамаларидаги сомон ёнаётганлиги тўғрисида Фавқулодда вазиятлар бошқармасига хабар келиб тушган.
Воқеа жойига ёнғин қутқарув экипажлари соат 17:02 да етиб боришиб, ёнғин соат 17:06 да қуршаб олинган ва соат 17:15 да ёнғин батамом ўчирилган.
Ёнғиндан трактор тиркамаларидаги 300 дона сомон пресс ҳамда тиркаманинг 1 дона ғилдирак шинаси ёнган. Ёнғиндан тан жароҳати олганлар йўқ.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter