Зеленский бугун Британияга ташриф буюради ва бош вазир Риши Сунак билан учрашади
Бугун Украина президенти Владимир Зеленский Буюк Британияга бош вазири Риши Сунак ва Британияда ҳарбий тайёргарлик кўраётган Украина ҳарбийлари билан учрашиш учун Буюк Британияга келади. Бу ҳақда Sky News хабар бермоқда.
«Украина президенти Владимир Зеленский Риши Сунак ва украиналик ҳарбийлар билан учрашиш учун бугун Буюк Британияга келади», – дейилади Бош вазир девонида.
Ташриф чоғида Зеленский Британияда ҳарбий машғулот ўтказаётган Украина ҳарбийларини бориб кўради.
Шунингдек, Украина президенти бош вазир Риши Сунак билан ҳарбий учувчиларни тайёрлаш бўйича янги дастур масаласини ҳам муҳокама қилади.
«Президент Зеленскийнинг Буюк Британияга ташрифи ўз мамлакатининг жасорати, қатъияти ва курашидан далолатдир, шунингдек, мамлакатларимиз ўртасидаги дўстликдан далолатдир», — дейди Британия бош вазири.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter