Ҳиндистонда ёввойи фил Керала штатидаги Улликал шаҳрига кириб, уй деворини вайрон қилди ва бир неча маҳаллий аҳолига ҳужум қилди. Бу ҳақда Onmanorama нашри хабар берди.

11 октябрь куни улкан фил шаҳар кўчалари бўйлаб югура бошлади. Одамлар уни ўрмонга ҳайдамоқчи бўлганларида, у олти кишини жароҳатлаб, бир неча хонадон жойлашган бино деворини вайрон қилган. Барча жабрланганлар шифохонага ётқизилган.

Давлат ўрмон департаменти ходимлари филни одамлар яшаш жойидан ҳайдаш учун шаҳарчага етиб келган.

Бўлим вакилларининг таъкидлашича, транквилизатор ўқларини филга қарши қўллаш мумкин эмас, чунки дори биринчи навбатда қутуриш хуружини келтириб чиқариши мумкин, бу эса қурбонлар сонининг кўпайишига олиб келади. Улар портловчи пакетлар ёрдамида филни ўрмонга қайтаришга ҳаракат қилишган.

Улар филни шаҳар чегарасидан икки километр узоқликдаги ўрмон чеккасигача ҳайдашга муваффақ бўлишди, аммо ҳозиргача у ўрмон ичига кирмаган. Эҳтимол, уни аҳоли пункти яқинида жойлашган кажу фермаси ўзига жалб қилган.