2025 йилга келиб технологиялар шу даражага етдики, энди суратларингизни тарқатишда эҳтиёт бўласиз, деб хабар бермоқда  tut-news.ru нашри.

Технология суратингиз устига бир икки марта «тегиниш» орқали сиз ҳақингиздаги барча маълумотларни аниқлаш мумкин.

Квант сунъий йўлдошлари туфайли 10 см.гача жойлашган аниқ жойингиз координаталарингизни (локациядан кўра аниқроқ) аниқлаб беради.

Агар сурат ақлли соат ёки сенсорли кўзойнак билан олинган бўлса сизнинг биометрикангиз яъни юрак уриши тезлиги ва стресс даражаси метадатада қайд этилади.

Сунъий интеллект фотосуратнинг табиий ёруғликда ёки лабораторияда олинганини билади, бу эса сохта нарсаларни аниқлашга ёрдам беради.

Сунъий интеллект ҳис-туйғулардан ДНК изларига қадар 98% аниқлик билан аниқлайди. Нейрон тармоқлар мушакларнинг микро-ҳаракатларини таҳлил қилади, ҳатто бостирилган тажовуз ёки қўрқувни ҳам назардан четда қолдирмайди. Бу усул суғурта компанияларига роса қўл келади.

Аввал табиблар томирингизни ушлаб ёки қайсидир аппарат соғлиғингиздаги муаммоларни имкон қадар аниқларди. Энди суратингизга қараб, виртуал саломатликни аниқлаш ақлли интеллект учун бир лаҳзалик иш: алгоритмлар терида (тошма, сариқлик) ва кўзда (катаракта, диабет) касалликнинг дастлабки белгиларини аниқлайди.

ДНК изларини яширишнинг имкони йўқ: TouchDNA технологияси телефон ёки камера юзасидан генетик материални олиш имконини беради, агар сурат эгаси унга тегинган бўлса.

FaceCheck Pro 2025 иловаси ижтимоий тармоқлардаги фотосуратларни сканерлайди ва уларни тиббий маълумотлар базалари билан таққослайди.

Ақлли алгоритмлар мебель ва жиҳозлар брендлари бўйича интерерни аниқлайди. Яндекс карта хизмати деразадан кўринишни сунъий йўлдош тасвирлари маълумотлар базаси билан таққослаш орқали автоматик равишда манзилингизни кўрсатади.

Кўзларингиз ва деразалардаги акслар орқали ақлли интеллектлар мониторлардаги матнларни, банк карталари рақамларини ёки ҳужжатлардаги QR кодларни катталаштиради ва танийди.

Энди сунъий интеллект ҳаёт тарзингизни сиздан яхшироқ билади: Google Lens каби тизимлар музлатгичингиздаги озиқ-овқат, кийим-кечак, заргарлик буюмлари брендларига қараб даромад ва одатларни башорат қилиши мумкин.

Факт: 2024 йилда хакерлар блогернинг суратдаги қуёшдан сақлайдиган кўзойнакдаги аксидан унинг картасининг ПИН-кодини аниқлаб, бузиб киришган.

Хўш, маълумотларингиз ҳаддан ортиқ ташқарига чиқиб кетмаслиги учун ўзингизни қандай ҳимоя қилишингиз керак: Камера созламаларида метамаълумотларни ёзишни ўчиринг, яъни: «махфийлик → камера → тегларсиз сақлаш».

Бундан буёғига ҳар бир сурат, реклама тизимлари сунъий интеллект ва фирибгарлар учун маълумотлар хазинасига айланади. Суратни Интернетга жойлаштиришдан олдин, ўйлаб кўринг: сурат орқасида қандай сирларингиз яширинганини бутун оламга очишга тайёрмисиз?