Путин ва Байден июн ойида учрашув ўтказиши мумкин
Россия президенти Владимир Путиннинг ёрдамчиси Юрий Ушаков РФ раҳбарининг америкалик ҳамкасби Жо Байден билан учрашуви июн ойида бўлиб ўтиши мумкинлигини айтди. Бу ҳақда у «Россия 1» телеканалида берган интервюсида таъкидлаб ўтган.
«Учрашув июн ойида бўлиб ўтади, ҳаттоки танлов учун бир қанча саналар ҳам бор», — деган Путиннинг ёрдамчиси.
Шу билан бирга, Ушаков аниқ санани очиқлашдан бош тортган.
Аввалроқ Оқ уй матбуот котиби Жейн Псаки Владимир Путин ва Жо Байден учрашуви масаласи Россия ва Америка ҳукуматлари томонидан кўриб чиқилаётганини айтган эди.
Эслатиб ўтамиз, Байден сайлангандан сўнг икки давлат раҳбари учрашганича йўқ. Аммо орада анча-мунча гап ўтишга улгурди: жумладан Байден ОАВга берган интервьюларидан бирида Путинни «қотил» дея атади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter