Песков «Биринчи канал» жонли эфиридаги воқеага муносабат билдирди
Россия президентининг матбуот котиби Дмитрий Песков кеча кечқурун Россиянинг «Биринчи канал»и жонли эфирида содир бўлган воқеани «безорилик» деб атади.
«Бу безорилик. Телеканал маъмурияти ва бунга масъул ходимлар ҳолат бўйича шуғулланишмоқда. Бу бизнинг кун тартибимиздаги савол эмас», деди Песков журналистлар учун ташкил этилган кундалик брифингда.
Унинг қўшимча қилишича, «ҳар қандай телеканалнинг жонли эфири муҳим жараён бўлиб, у ерда ишлаётганлар учун катта масъулият бор».
Эслатиб ўтамиз, «Биринчи канал» муҳаррири Марина Овсянникова кутилмаганда жонли эфир вақтида Украинада кечаётган урушга қарши баёнот бериб: «Урушни тўхтатинг. Пропагандага ишонманг. Бу ерда сизни алдашмоқда. Руслар урушга қарши» деган ёзувни кўтариб чиққанди. У қўлга олинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter