Узоқ кутилган, иссиқ ёз таътиллари айни қизғин паллада! Аммо ёзги таътилда ўқувчилар ўртача 6 ҳафталик математик билимларини ёддан чиқаришини биласизми? Мактаблар ва бошқа таълим муассасаларида аввал ўтилган дарсларни қайта ўқитиш ва ёдга тушириш учун 2 ойгача вақт кетиши мумкин. Лекин барибир болалар бир йилга қувват тўплаш учун ҳам дам олишлари керак.

Дунё бўйлаб таълим ва ҳордиқ чиқаришга турлича ёндашувлар мавжуд.

Хўш, турли мамлакатларда ёзги таътил қанча давом этади?

Бизнинг юртда мактаб ўқувчилари асосан ёзнинг барча уч ойи давомида дам олишади (92 кун уй вазифаси ва бошқа ташвишларсиз).

Буюк Британияда ёзги таътил 6 ҳафта давом этади. Бу бир ярим ой дегани.

Португалия, Латвия ва Албанияда эса болалар 13 ҳафта дам олишади.

Бу қизиқ, лекин ҳақиқат: Италия ва Франция каби сайёрамизнинг бошқа бурчакларида мактаб ўқувчилари йилига бир хил миқдордаги ҳафталар дам олишади, аммо ёзги таътилга келганда, француз мактаб ўқувчилари унчалик омадли эмас – улар атиги 8 ҳафта дам олишади, ва италияликлар 14 ҳафта.

Берлин талабалари омадлироқ, чунки улар июнь ойининг ўрталарида дам олишади, август ойининг бошида дарсларга қайтадилар. Аммо Бавария талабалари муносиб дам олишдан олдин ёзнингбир қисмида ўқишлари керак.

Данияда таътиллар одатда июнь ойининг охиридан август ойининг боши ёки ўрталаригача, олти ҳафтагача давом этади. Катта синф ўқувчилар бошланғич синф ўқувчиларга қараганда мактабга тезроқ қайтадилар.

Ҳиндистонда ёзги таътиллар одатда ҳар хил бўлади, чунки мамлакатнинг турли қисмлари бир вақтнинг ўзида турли хил иқлим шароитларини бошдан кечиради.

Шимолий Ҳиндистонда дарслар май ойининг ўрталарида тугайди ва июль ойининг биринчи ҳафтасида бошланади, ёзги таътил 10 кун давом этадиган Кашмир водийсидан ташқари (гарчи улар декабрь ойининг ўрталаридан февраль ойининг охиригача қишки таътилга эга бўлсалар ҳам) Ҳиндистоннинг марказий қисмида таътил апрель ойининг ўрталарида бошланади ва июнь ўрталарида тугайди. Ҳиндистон жанубида мактаб март ойининг охирги ҳафтасида тугайди ва июнь бошида яна бошланади.

Ямайкалик бошланғич ва ўрта мактаб ўқувчилари учун ёзги таътил июль ойининг биринчи ҳафтасида бошланади ва сентябрнинг биринчи ҳафтасида тугайди.

Мексикада 2000 йилдан бери ёзги таътил июнь ойининг бошида бошланади ва август ойининг ўрталарида тугайди. Ўрта мактаб ва коллеж ўқувчилари май ойининг охиридан август ойининг бошигача узоқ кутилган уч ойга яқин таътилга эга.

АҚШда ҳамма нарса ноаниқ. Қўшма Штатлардаги таътиллар одатда икки ойдан уч ойгача давом этади. Белгиланган муддатлар мактаб ҳудудининг жойлашган жойига ва мактабнинг ўзига қараб фарқ қилади.

Жанубий Африкада ёзги таътил одатда декабрь ойида бошланади ва январь ўрталарида тугайди!

Покистонда таътил мактаб давлат ёки хусусий бўлишига қараб икки ойдан уч ойгача давом этади. Ёзги таътиллар кўпинча май ойининг охиридан август ойининг ўрталарига қадар давом этади.

Уругвайда эса ёзги таътил декабрь ойининг бошида бошланади ва март ойининг бошларида тугайди.