Бугун,  21 декабр куни Франция президенти Эммануэл Макрон 45 ёшга тўлди.

Эммануэл Макрон 1977 йилнинг 21 декабрида шифокорлар оиласида дунёга келган. Отаси — Пикардия неврология университети профессори Жан-Мишел Макрон, онаси — шифокор Франсуаз Макрон-Ногес.

Макрон — мамлакатнинг Жак Ширакдан сўнг, иккинчи муддатга қайта сайланган иккинчи президенти. Ҳар икки президентни боғлаб турувчи яна бир омил — футбол. Уларнинг президентлик даврида (биринчи муддат) Франция терма жамоаси жаҳон чемпиони бўлган. Макроннинг «чемпионлиги» 2018 йили Россия мезбонлик қилган мундиалга тўғри келди. Финалда французлар хорватларни 4:2 ҳисобида енгишганди.

Қаторасига икки марта чемпионликни тантана қилиш насиб этмади — Макрон совғасиз қолди. Аммо унинг учун ҳозир энг муҳими мушкул иқтисодий вазиятдан Францияни, энергетик инқироз туфайли юзага келган оғир қишдан французларни эсон-омон олиб чиқиш.  

Кеча, 20 декабр куни французлар етакчи футболчиси Килиан Мбаппе мучал ёшига тўлганди.

15 ёшли Макрон

Синфдошлари орасида

Ота-онаси

Рафиқаси Брижит Макрон билан

Жаҳон чемпионатида