Bollywood юлдузи Шоҳруххон Умра зиёратини амалга оширди (фото)
Кеча, 1 декабрь куни Bollywood юлдузи Шоҳруххон муқаддас Макка шаҳрида Умра зиёратини амалга оширди. Бу ҳақда New Delhi Television Limited маълум қилди.
Bollywood юлдузи Шоҳруххон Саудия Арабистонининг Макка шаҳрида кўзга ташланди. Суперюлдузнинг оқ костюм ва ниқобда Умра (Исломий зиёрат)ни бажараётгани акс этган бир қанча суратлари интернетда тарқалди.
Шоҳруххон ўзининг расмий Twitter саҳифасида ҳам Умра зиёратини амалга ошираётгани тасвирланган суратни намойиш этиб, пост тагига қуйидагича изоҳ қолдирган:
«Шоҳруххон Макка Шарифда Умра зиёратини қилмоқда».
Маълумот учун, Шоҳруххоннинг отаси мусулмон, онаси эса ҳинд бўлган. Актёрнинг ўзи Ислом динига эътиқод қилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter