Myunxenning «Bavariya» klubi va Polsha terma jamoasi hujumchisi Robert Levandovski Angliyaning «The Guardian» nashri tomonidan 2020-yilning eng yaxshi futbolchisi deb topildi.

Nashr reytingida «Barselona» sardori, argentinalik Lionel Messi — ikkinchi, «Yuventus»da to‘p suruvchi portugal yulduzi Krishtianu Ronaldu — uchinchi o‘rinda.

2020-yilning eng yaxshi futbolchilari (top-10):

1. Robert Levandovski — «Bavariya»; Polsha
2. Lionel Messi — «Barselona; Argentina
3. Krishtianu Ronaldu — «Yuventus»; Portugaliya
4. Kevin de Bryuyne — «Manchester Siti; Belgiya
5. Sadio Mane — «Liverpul»; Senegal
6. Erling Holand — «Borussiya» D; Norvegiya
7. Kilian Mbappe — «PSJ»; Fransiya
8. Muhammad Salah — «Liverpul»; Misr
9. Neymar — «PSJ»; Braziliya
10. Virjil van Deyk — «Liverpul»; Niderlandiya.

Kuchli o‘nlikda bittayam ingliz futbolchisi yo‘q.

Robert Levandovski 2020-yilda «Bavariya» bilan Germaniya chempionati va kubogi hamda Yevropa Chempionlar ligasi g‘olibi bo‘ldi. O‘tgan hafta FIFA polshalik forvardni 2020-yilning eng yaxshi futbolchisi deb topgandi.