Ayni kunlarda Rossiya Federatsiyasining Vladivostok shahrida VII «Osiyo bolalari» xalqaro sport o‘yinlari bo‘lib o‘tmoqda.

Ushbu xalqaro tadbirida o‘zbekistonlik sportchi yoshlar ham ishtirok etib kecha, 31-iyul holatiga jami 29 ta medal (6ta oltin, 10ta kumush, 13ta bronza)ni qo‘lga kiritishgan va umumjamoa hisobida 5-o‘rinda qayd etilgan.

Bugun, 1 avgust kuni esa «Osiyo bolalari» o‘yinlarida O‘zbekiston delegatsiyasi a’zolari 5ta oltin, 2ta kumush va 5ta bronza, jami 12 ta medalni qo‘lga kiritdilar.

Jumladan, oltin:

Rustam Abdullayev (yengil atletika)

Shohista Shonazarova (ayollar kurashi)

Mashhura Abdumusayeva (ayollar kurashi)

Muhayyo Rahimjonova (ayollar kurashi)

3x3 basketbol O‘zbekiston terma jamoasi (qizlar)

Kumush:

Husniobod Sultonnazarova (ayollar kurashi)

Asaloy Amangeldiyeva (ayollar kurashi)

Bronza:

Bahora Jumaqulova (ayollar kurashi)

Shohruh Iskandarov (stol tennisi)

Maftuna Ahmedova (yengil atletika)

Asadbek Haliljonov (yengil atletika)

Amir Eshonxo‘jayev (yengil atletika)

Eslatib o‘tamiz,  VII «Osiyo bolalari» o‘yinlari joriy yilning 27-iyul – 8-avgust kunlari bo‘lib o‘tadi. 

Ma’lumot uchun, «Osiyo bolalari» o‘yinlari har 4 yilda bir marta o‘tkaziladi. Ushbu musobaqa birinchi marta 1996-yilda Saxa (Yoqutiston) Respublikasining birinchi prezidenti Mixail Nikolayev tashabbusi bilan zamonaviy Olimpiya harakatining 100 yilligiga bag‘ishlab tashkil etilgan.