Ustoz jurnalistlarga ehtirom ko‘rsatildi (foto)
Bugun O‘zbekiston Jurnalistlar uyushmasi tomonidan poytaxtimizdagi «Oqsaroy» marosimlar zalida «Ustozlar qadr topgan yurt» mavzuida tadbir tashkil etildi.
Tadbirda uzoq yillar ommaviy axborot vositalarida faoliyat olib borgan ustoz jurnalistlar, oliy ta’lim muassasalarida jurnalistika sohasi bo‘yicha yoshlarga ta’lim bergan faxriylar, shuningdek, ayni kunda gazeta va jurnallar, teleradiokanallar hamda internet nashrlarida yoshlarga ustozlik qilib kelayotgan soha fidoyilari hamda keng jamoatchilik vakillari ishtirok etdi.
Tadbirda O‘zbekiston Jurnalistlar ijodiy uyushmasi raisi O. O‘sarov va boshqalar mamlakatimizda davlatimiz rahbari Shavkat Mirziyoyev rahbarligida inson qadrini ulug‘lash, keksa avlod vakillariga hurmat-e’tibor ko‘rsatish, ularni moddiy-ma’naviy rag‘batlantirish, «Ustoz shogird» an’anasini davom ettirish masalalariga alohida e’tibor qaratilayotgani va bu boradagi ishlar o‘z samaralarini berayotganini alohida ta’kidladi.
Tadbir doirasida bir guruh yubiley yoshini qarshi olgan ustoz jurnalistlarga O‘zbekiston Jurnalistlar uyushmasi sovg‘alari va yana bir guruh Uyushma a’zolariga yangi namunadagi a’zolik bileti va ko‘krak nishonlari tantanali topshirildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter