Устоз журналистларга эҳтиром кўрсатилди (фото)
Бугун Ўзбекистон Журналистлар уюшмаси томонидан пойтахтимиздаги «Оқсарой» маросимлар залида «Устозлар қадр топган юрт» мавзуида тадбир ташкил этилди.
Тадбирда узоқ йиллар оммавий ахборот воситаларида фаолият олиб борган устоз журналистлар, олий таълим муассасаларида журналистика соҳаси бўйича ёшларга таълим берган фахрийлар, шунингдек, айни кунда газета ва журналлар, телерадиоканаллар ҳамда интернет нашрларида ёшларга устозлик қилиб келаётган соҳа фидойилари ҳамда кенг жамоатчилик вакиллари иштирок этди.
Тадбирда Ўзбекистон Журналистлар ижодий уюшмаси раиси О. Ўсаров ва бошқалар мамлакатимизда давлатимиз раҳбари Шавкат Мирзиёев раҳбарлигида инсон қадрини улуғлаш, кекса авлод вакилларига ҳурмат-эътибор кўрсатиш, уларни моддий-маънавий рағбатлантириш, «Устоз шогирд» анъанасини давом эттириш масалаларига алоҳида эътибор қаратилаётгани ва бу борадаги ишлар ўз самараларини бераётганини алоҳида таъкидлади.
Тадбир доирасида бир гуруҳ юбилей ёшини қарши олган устоз журналистларга Ўзбекистон Журналистлар уюшмаси совғалари ва яна бир гуруҳ Уюшма аъзоларига янги намунадаги аъзолик билети ва кўкрак нишонлари тантанали топширилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter