Toshkentda voyaga yetmagan yoshlar o‘rtasida janjal yuz berdi
Ijtimoiy tarmoqlarda bir nechta voyaga yetmagan yoshlar o‘rtasida o‘zaro janjal ask etgan video keng tarqaldi. Mazkur holat yuzasidan Toshkent IIB rasmiy ma’lumot berdi.
Qayd etilishicha, holat joriy yilning 21 may kuni taxminan soat 21.00 larda Yunusobod tumani 11-mavze hududida, 2005 va 2006 yilda tug‘ilgan 3 nafar voyaga yetmaganlar (R.X., M.A., X.X.) hamda 2006 yilda tug‘ilgan 5 nafar voyaga yetmaganlar (X.A., K.A, Yu.K., A.K, J.Q.) o‘rtasida yuz bergan. Ular o‘zaro og‘zaki tortishib qolgan va tomonlar o‘zaro janjallashib ketgan.
Video tasvirda bir guruh yoshlar boshqa bir voyaga yetmagan yigitni do‘pposlab, so‘ng qochib ketgani aks etgan. Ammo IIBning ma’lumot berishicha, janjal natijasida hech kim tan jarohati olmagan.
Hozirda mazkur holat yuzasidan Yunusobod tumani IIO FMB tomonidan tergovga qadar tekshiruv o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter