Toshkentda avtobus va Lacetti o‘rtasida YTH sodir bo‘ldi
Joriy yilning 19 noyabr kuni soat 06:40larda Chilonzor tumani Bunyodkor-Qatortol 2 ko‘chalari kesishgan chorrahasida yo‘l-transport hodisasi sodir bo‘lgan.
Toshkent shahar IIBB YHXB axborot xizmatiga ko‘ra, haydovchi 1979 yilda tug‘ilgan M.Sh. boshqaruvidagi Lacetti rusumli avtomashinasi hamda haydovchi 1997 yilda tug‘ilgan Q.M. boshqaruvidagi MAN rusumli yo‘lovchi tashuvchi avtobusi to‘qnashib ketgan.
YTH natijasida Lacetti rusumli avtomashina yo‘lovchisi 1958 yilda tug‘ilgan D.M.ga birinchi tibbiy yordam ko‘rsatish maqsadida shifoxonaga olib ketilgan.
Mazkur holat yuzasidan Toshkent shahar IIBB YHXB ma’sul xodimlari tomonidan surishtiruv ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter