Prezident farmoni: Sardor Umurzoqov bosh vazir o‘rinbosari etib tasdiqlandi
Sardor Umurzoqov.
Prezident farmoniga asosan Sardor O‘ktamovich Umurzoqov Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari – investitsiyalar va tashqi savdo vaziri lavozimiga tasdiqlandi. Bu haqda «Huquqiy axborot» kanali xabar berdi.
Shuningdek, Prezidentning tegishli qarorlariga ko‘ra:
- Aziz Botirovich Voitov investitsiyalar va tashqi savdo vazirining birinchi o‘rinbosari lavozimiga tayinlandi;
- Alisher Habibullayevich Abdualiyev esa boshqa ishga o‘tishi munosabati bilan ushbu lavozimdan ozod etildi.
Eslatib o‘tamiz, avvalroq Oliy Majlis Qonunchilik palatasi deputatlari Sardor Umurzoqov nomzodini ko‘rib chiqib, uni bu lavozimga tayinlash haqida qaror qabul qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter