O‘zbekiston moliya va energetikani rivojlantirish uchun Xalqaro moliya korporatsiyasi(HMK) dan deyarli yarim milliard dollar miqdorida mablag‘ oladi. Bu haqda O‘zbekiston Investitsiyalar va tashqi savdo vaziriligi xabar berdi.

Joriy yilning 28 sentyabr kuni O‘zbekiston investitsiyalar va tashqi savdo vaziri o‘rinbosari Jamshid Xo‘jaev Xalqaro moliya korporatsiyasining Yevropa va Markaziy Osiyo bo‘yicha direktori Vibke Shlemer bilan uchrashdi.

Qayd etilishicha, XMKning joriy portfeli bank, moliya, energetika, to‘qimachilik, oziq-ovqat, kimyo, mebel, kichik va o‘rta biznesni rivojlantirish yo‘nalishlari bo‘yicha umumiy qiymati 480 million dollarlik 28 ta investitsiya loyihasini, shuningdek, moliya va energetika sohalarida umumiy qiymati 474 million dollar bo‘lgan 5 ta loyihalarni o‘z ichiga oladi.

XMK rahbariyatiga moliyaviy bozorlarni rivojlantirishdagi texnik ko‘mak, agrobiznes, transport, sog‘liqni saqlash va energetika sohalaridagi DXSh loyihalarini qo‘llab-quvvatlaganliklari, shu jumladan 3 ta quyosh elektr stansiyasi va estrodiol elektr stansiyasini qurish bo‘yicha xalqaro tenderlar uchun minnatdorchilik bildirildi.

Tomonlar O‘zbekistonda gender tengligini ta’minlash va ayollarning huquq va imkoniyatlarini kengaytirish, jumladan, ayollar tadbirkorligi uchun qulay shart-sharoitlar yaratish uchun We-Fi dasturidan foydalanish orqali hamkorlikni muhokama qildilar.

XMK investitsiya muhitini yaxshilash, tarmoqlarning investitsion jozibadorligini oshirish, shuningdek, sanoatni jadal rivojlantirishga qaratilgan tarkibiy islohotlarni amalga oshirish bo‘yicha hamkorlikni davom ettirishga tayyorligini bildirdi.