Marhum soliqchining yaqinlari ayovsiz kaltaklangani aytilmoqda
Marhum Aziz Ahmedov.
2021-yil 10-iyun kuni Samarqand viloyati, Kattaqo‘rg‘on tuman Davlat soliq inspeksiyasi boshlig‘i o‘rinbosari Aziz Ahmedov Yo‘l harakati xavfsizligi xodimlarining zo‘ravonligi tufayli vafot etgani xabar berilgandi.
«Ezgulik» inson huquqlari jamiyati raisi Abdurahmon Tashanovga ko‘ra, Aziz Axmedovning opasi va ukasi kecha kuppa-kunduzi sud binosida kaltaklangan.
Ular hozirgi kunda tuman markaziy shifoxonasida qolmoqda.
«Gap shundaki, O‘zbekiston Respublikasi Oliy sudi Samarqand sudi tomonidan qotillarga belgilangan o‘ta yumshoq hukmni bekor qilib, ishni qayta ko‘rish uchun Navoiy viloyati sudiga yuborgandi.
Kecha sud majlisi boshlanishidan avval YPX xodimlarining qarindoshlari marhumning yaqinlarini shafqatsizlarcha kaltakladi. Imkon qadar ertaga bu boradagi video tasvirlarni e’lon qilamiz», deya yozadi Tashanov.
Eslatib o‘tamiz, mazkur ish doirasida 2 nafar shaxsga ayb e’lon qilinib, «qamoqqa olish» ehtiyot chorasi qo‘llanilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter