Kanada «Besh ko‘z» ittifoqini tark etadimi?
AQSh prezidenti ma’muriyati Kanadani «Besh ko‘z» (Five Eyes, FVEY) alyansidan chiqarib yuborish masalasini ko‘rib chiqyapti. Bu haqda Financial Times o‘z manbalariga asoslanib xabar berdi.
«Shimoldagi qo‘shnini badarg‘a qilish» taklifi Donald Trampning savdo bo‘yicha katta maslahatchisi Piter Navarrodan chiqqan. Vashington Kanadaga shu tariqa bosim qilishi mumkin, deb yozdi nashr. Hozircha AQSh prezidentining taklifga munosabati qorong‘u, g‘oya a’yonlar darajasida muhokamada.
Ma’lumot uchun: «Besh ko‘z» — 1946-yilda asos solingan, AQSh, Buyuk Britaniya, Kanada, Avstraliya va Yangi Zelandiya razvedkalari ittifoqi. A’zo davlatlar kiberxavfsizlik va aksilterror sohalarida o‘zaro ma’lumot almashinadi. Kanada chiqarib yuborilsa, bu alyans tarkibidagi ilk tarixiy o‘zgarish bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter