Bugun, 22-dekabr kuni Toshkentning Chilonzor tumanida bir nechta avtomashina oynasi sindirildi.

Poytaxt IIBB xabariga ko‘ra, 2001-yilda tug‘ilgan A.S. Chilonzor tumani IIO FMBga ariza bilan murojaat qilib, unga tegishli bo‘lgan Gentra rusumli avtomashinasining old haydovchi yon oynasi sindirilgani va avtomashina ichida bo‘lgan 500.000 so‘mlik soati o‘g‘irlanganini ma’lum qilgan.

Shuningdek, shu kuni 1995-yilda tug‘ilgan R.X.ga tegishli bo‘lgan Cobalt rusumli avtomashinasining old haydovchi yon oynasi sindirilganligi, lekin avtomashinasidan hech narsa yo‘qolmaganligi, 1977-yilda tug‘ilgan Ye.B.ga tegishli bo‘lgan Spark rusumli avtomashinaning ham old haydovchi yon oynasi sindirilganligi, avtomashinasidan hech narsa yo‘qolmaganligi aniqlangan.

Qayd etilgan holatlar yuzasidan Chilonzor tumani IIO FMB Tergov bo‘limi tomonidan O‘zbekiston Respublikasi Jinoyat kodeksining 169-moddasi («O‘g‘rilik») bilan jinoyat ishi qo‘zg‘atilgan. Tergov harakatlari davom etmoqda.