Bugun, 10-mart kechasi (bizning vaqt bilan 11-mart, tungi soat 01:00 da) «Red Bull Arena»da «RB Leypsig» — «Tottenhem» UEFA Chempionlar ligasi pley-off bosqichi doirasidagi javob uchrashuvini o‘tkazadi.

Birinchi uchrashuvda  «Leypsig» mehmondan 1:0 hisobidagi g‘alaba bilan qaytgan.

Chorak finalga chiqish uchun

«RB Leypsig»ni g‘alaba yoki durang ham keyingi bosqichga olib chiqadi.

«Tottenhem»ga faqat g‘alaba kerak. Inglizlar asosiy vaqtda 1:0 hisobida oldinga chiqishsa, qo‘shimcha vaqt beriladi.

Jamoalarning holati

«RB Leypsig» barcha turnirlarda olti o‘yindan beri mag‘lubiyat nimaligini bilmayapti, oxirgi ikki o‘yinda durangga imzo chekkan.

«Tottenhem» barcha turnirlarda besh o‘yindan beri g‘alaba qozongan emas, shulardan to‘rttasida mag‘lubiyatga uchragan.

O‘yinchilarning holati

«RB Leypsig»ga himoyachi Orban jarohati tufayli yordam berolmaydi.

«Tottenhem»ning ahvoli ancha og‘ir: himoyachilar Foyt, Devis, yarimhimoyachi Sissoko, hujumchilar Keyn, Son va Bergveyn (barchasida jarohat) maydonga tusha olmaydi.

Taxminiy tarkiblar:

«RB Leypsig»: Gulachi — Klostermann, Upamekano, Xalstenberg — Adams, Laymer, Zabitser, Anxelino — Verner, Shik, Nkunku.

«Tottenhem»: Loris — Alderveyreld, Sanches, Dayer — Ore, Uinks, Lo Chelso, Vertongen — Lamela, Lukas Moura, Alli.