Бугун, 10 март кечаси (бизнинг вақт билан 11 март, тунги соат 01:00 да) «Ред Булл Арена»да «РБ Лейпциг» — «Тоттенҳэм» УЕФА Чемпионлар лигаси плей-офф босқичи доирасидаги жавоб учрашувини ўтказади.

Биринчи учрашувда  «Лейпциг» меҳмондан 1:0 ҳисобидаги ғалаба билан қайтган.

Чорак финалга чиқиш учун

«РБ Лейпциг»ни ғалаба ёки дуранг ҳам кейинги босқичга олиб чиқади.

«Тоттенҳэм»га фақат ғалаба керак. Инглизлар асосий вақтда 1:0 ҳисобида олдинга чиқишса, қўшимча вақт берилади.

Жамоаларнинг ҳолати

«РБ Лейпциг» барча турнирларда олти ўйиндан бери мағлубият нималигини билмаяпти, охирги икки ўйинда дурангга имзо чеккан.

«Тоттенҳэм» барча турнирларда беш ўйиндан бери ғалаба қозонган эмас, шулардан тўрттасида мағлубиятга учраган.

Ўйинчиларнинг ҳолати

«РБ Лейпциг»га ҳимоячи Орбан жароҳати туфайли ёрдам беролмайди.

«Тоттенҳэм»нинг аҳволи анча оғир: ҳимоячилар Фойт, Дэвис, яримҳимоячи Сиссоко, ҳужумчилар Кейн, Сон ва Бергвейн (барчасида жароҳат) майдонга туша олмайди.

Тахминий таркиблар:

«РБ Лейпциг»: Гулачи — Клостерманн, Упамекано, Хальстенберг — Адамс, Лаймер, Забитцер, Анхелиньо — Вернер, Шик, Нкунку.

«Тоттенҳэм»: Льорис — Алдервейрелд, Санчес, Дайер — Орье, Уинкс, Ло Чельсо, Вертонген — Ламела, Лукас Моура, Алли.