Bugundan boshlab «Krasnogorsk – So‘qoq – Changi – Parkent», «Krasnogorsk – Yangibozor – Toshkent» hamda «Krasnogorsk – Yangibozor – Nurafshon» yo‘nalishlarida avtobus qatnovlari qayta tiklandi. Bu haqda Toshkent shahar transport bosh boshqarmasi matbuot xizmati xabar berdi.

Transport vazirligi Toshkent viloyati Transport boshqarmasi tomonidan VH-405-sonli «Qiziltog‘ qishlog‘i – Parkent AShB» shahar atrofi avtobus yo‘nalishi 3 ta harakat jadvallari bilan VH-390-sonli «Nevich mahallasi – Rohat – Qo‘yliq 5-metro bekati (Qiziltog‘ qishlog‘i orqali)» shahar atrofi avtobus yo‘nalishi 7 ta harakat jadvallari bilan hamda VH-416-sonli «Qiziltog‘ qishlog‘i – Nurafshon AShB» shahar atrofi avtobus yo‘nalishi 1 ta harakat jadvali bilan tashkil etildi.

Ushbu yo‘nalishlarda faoliyat olib borish vazifasi «Krasnogorsk Avto Xizmat» MChJga yuklatildi. Hozirda yo‘lovchi tashish faoliyati bilan shug‘ullanayotgan tadbirkor tomonidan har bir yo‘nalishga 4 tadan  transport ajratildi. Keyinchalik yo‘lovchi oqimini  hisobga olgan holda avtobuslar soni ko‘paytirilishi rejalashtirilgan.