«O‘zbekiston havo yo‘llari» aviachiptalarga 50 foizgacha chegirmalar e’lon qildi
«Uzbekistan Airways» kompaniyasi Navro‘z bayrami munosabati bilan 21—23-mart kunlari O‘zbekiston hududi bo‘ylab barcha reyslarga 50 foizgacha chegirmalar e’lon qildi. Bu haqda kompaniya matbuot xizmati xabar berdi.
Kompaniya tomonidan xabar berilishicha, chegirmalar quyidagi tartibda taqdim etiladi:
- individual yo‘lovchilar uchun — 30 foiz;
- sayyohlik guruhlari va ta’lim muassalari o‘quvchilari, talabalari va tinglovchilari uchun — 40 foiz;
- oilalar uchun (ikki yoki undan ko‘p kishi: er va xotin; er, xotin va ularning 18 yoshgacha bo‘lgan farzandlari) — 50 foiz;
- nafaqaxo‘r va nogironlar uchun — 50 foiz;
- Ikkinchi jahon urushi qatnashchilari va ularga tenglashtirilganlar, urush davridagi mehnati va xizmati uchun orden va medallar bilan taqdirlangan shaxslar uchun — 50 foiz;
- Chernobil AES fojiasi oqibatlarini bartaraf etishda ishtirok etgan fuqarolar uchun — 50 foiz.
Chegirmalardan O‘zbekiston va chet el fuqarolari foydalanishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter