IIV suv toshqinida pasportini yo‘qotgan fuqarolarga murojaat qildi
Ichki ishlar vazirligi kanalida Sardoba suv ombori toshqini vaqtida pasportini yo‘qotgan fuqarolarga murojaat qildi.
«Hurmatli Sardoba, Oqoltin va Mirzaobod tumanida yashovchi fuqarolar!
Agarda Siz va Sizning yaqin qarindoshlaringiz orasida joriy yilning 1 may kuni Sardoba suv omborida yuz bergan ofatdan zarar ko‘rgan fuqarolar bo‘lsa va ushbu talofat tufayli fuqarolik pasportingiz yo‘qolgan yoki yaroqsiz holga kelgan bo‘lsa, Sirdaryo viloyati Ichki ishlar boshqarmasi migratsiya va fuqarolikni rasmiylashtirish boshqarmasining 0367-227-65-00 hamda 0367-227-00-01 raqamlariga murojaat qilishingizni so‘raymiz.
Xodimlar tomonidan hozirda Siz vaqtinchalik bo‘lib turgan joyga borgan holda yoki Siz vaqtinchalik bo‘lib turgan hududga yaqin bo‘lgan Ichki ishlar bo‘limi tomonidan murojaatingiz hal etilishini ma’lum qilamiz», — deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter