Ohangarondagi o‘rmonda yong‘in yuz berdi
Ijtimoiy tarmoqlarda «Ohangaronda o‘rmon xo‘jaligi hududida yong‘in yuz berdi» sarlavhasi ostida tarqalgan xabar yuzasidan ma’lumot berildi.
Kecha, 17 iyul kuni soat 13:03 da Toshkent viloyati Ohangaron tumani Toshariq MFY hududida joylashgan o‘rmon xo‘jaligiga qarashli bo‘lgan yer maydonida yong‘in sodir bo‘layotganligi to‘g‘risida viloyat FVBga xabar kelib tushgan.
Boshqarma yong‘in-qutqaruvchilari voqea joyiga soat 13:09da yetib borib, yong‘in soat 13:15da o‘rab olingan va soat 14:05 da o‘chirilgan.
Yong‘inni bartaraf etishga 1 ta yong‘in-qutqaruv ekipaji va 30 nafar xodim, o‘rmon xo‘jaligidan 20 nafar xodim jalb qilingan.
Yong‘in natijasida taxminan 500 kv.m maydonda quruq o‘t va shox shabba yonib zararlangan.
Hodisa oqibatida tan jarohati olgan va xalok bo‘lganlar yo‘q.
Hozirda yong‘inning kelib chiqish sababi aniqlanmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter