Пулиям ўзига яраша: тафсилотлар тақдимотгача ошкор бўлди — Honor Magic 3 Pro 5G
«Equal Leaks» телеграм-канали Honor Magic 3 Pro 5G флагман смартфони тақдим этилмасидан аввал унинг техник хусусиятларини ошкор қилди.
Расмий тақдимот 12 августга белгиланган.
Манбага ишонадиган бўлсак, янги смартфон диагонали 6,76 дюймли (QHD+; 2772×1344 пиксел; янгиланиш частотаси 120 Гц) қабариқ AMOLED-дисплейга эга. Бу ажойиб экранни Corning Gorilla Glass Victus шиша қоплами ҳимоялайди.
«Капот» остида Snapdragon 888+ процессори ва 5000 мАс сиғимли аккумулятор яширинган. Қувватланиш симли 100 Вт ҳамда симсиз 50 Вт технологияларига асосланади.
Смартфон 12 ГБ+256 ГБ ва 16 ГБ+512 ГБ талқинларида чиқарилиши кутилмоқда. Флагманга ўрнатилган Android 11 тизимида Magic UI 5.0 интерфейсидан фойдаланилган.
Honor Magic 3 Pro 5G смартфони Google сервисларини қўллаши айтилмоқда.
Пулиям ўзига яраша: интернетда тарқалган хабарларга кўра, Honor Magic 3 Pro нархи — $772.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter