«Учинчи ўлим» сабабчиси топилди
Олимлар ўлимга энг кўп сабабчи бўлувчи учинчи омилни топишди. Бу ҳақда «Science Alert» ёзмоқда.
Чидамли бактериялар...
Тадқиқотларга кўра, бактерияларнинг антибиотиклар (микробларга қарши дори воситалари)га чидамлилиги 2019 йилда дунё бўйича 4,95 млн. кишининг ўлимига сабаб бўлган. Чидамли бактериялар жон олиш борасида учинчи ўринда турибди.
Бактерияларнинг қанчалик кўп турлари антибиотикларга бардошли бўлса, беморларнинг инфекциялардан ўлим кўрсаткичлари кўпайиб бораверади — тадқиқотчилар бу ҳақда бонг уришни бошлаб юборишди.
Диаграмма: THE LANCET
Олимларнинг илгариги тахминларида 2050 йилга бориб чидамли бактериялар оқибатидаги йиллик ўлим кўрсаткичлари 10 миллионга етиши айтилганди. Бу рақамлар ўйлаганимиздан кўра яқинроқ ёки каттароқ бўлиши мумкин.
Умуман олганда, 2019 йилда энг кўп ўлимга инсульт ва юрак хасталиклари сабаб бўлган, кейинги ўринда — чидамли бактериялар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter