Ўзининг таваллуд кунида ўлдирилган супер юлдуз
Аҳмад Зоҳир – афғон қўшиқчиси ва бастакори. У 1946 йил 14 июнда туғилган ва орадан 33 йил ўтиб, 1979 йилда айнан таваллуд кунида ҳаётдан кўз юмган. «Афғон Элвиси» номини олган Аҳмад Зоҳир мамлакатнинг барча замонлардаги энг машҳур хонандаси эди. У дари. пушту тилларида куйлаган. Шунингдек, рус, урду ва инглизчада ижро этган қўшиқлари ҳам мавжуд.
33 йилгина яшаб 33 та альбом чиқарган ҳофиз Аҳмад Зоҳирни ёд этиб...
Унинг қўшиқларини барча мамлакатлар, ҳатто Ғарбда ҳам куйлашади, оҳанглари асосида қўшиқлар яратишади. Ўзбек шинавандалари Ўзбекистон халқ артистлари Шерали Жўраев, Ортиқ Отажонов, Бобомурод Ҳамдамов, Насиба Абдуллаева, Мардон Мавлонов ва бошқа кўплаб хонандалар ижросида Аҳмад Зоҳир қўшиқларини тинглашган.
