УЕФА «Интер»га Эриксен билан юз берган «кўнгилсиз воқеа» бадалини тўлади
Евро-2020 турнирида Дания терма жамоаси футболчиси Кристиан Эриксен майдонда ҳаёт билан видолашишига бир баҳя қолганди (юрагида муаммо пайдо бўлганди).
Ўша воқеа учун УЕФА, Европа чемпионати ташкилотчиси сифатида, Миланнинг «Интер» жамоасига 3 млн евро бадал тўлади.
Воқеа юз берган 2021 йилнинг ёзида Эриксен «Интер»га тегишли экани боис жамоа пулли бадал олишга ҳақли эди. CalcioMercato хабар беришича, пул миланликлар ҳисобига келиб тушган.
Дания – Финляндия ўйининг 43-дақиқасида Эриксен йиқилиб тушиб, клиник ўлимни бошдан ўтказганди. Соғайиб, даволанган футболчи шифохонадан юрагига ўрнатилган дефибриллятор билан чиқди, бироқ энди у «Интер»да фаолиятини давом эттира олмасди — бунақа аппаратлар билан майдонга тушиш Италияда тақиқланган.
Италиядан Англияга йўл олган даниялик аввалига «Брентфорд»да тўп сурди, ҳозир «Манчестер Юнайтед» сафида, ёздан буён 15 ўйинда майдонга тушди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter