Роналдо яна бир футбол жамоасини сотиб олди
Бразилия миллий жамоасининг собиқ футболчиси, икки карра «Олтин тўп» соҳиби Роналдо «Крузейро» (Бразилия) клубини сотиб олди.
«Globo Esporte» ёзишича, Роналдо «Крузейро» акцияларининг 90 фоизини харид қилган. Бу битим унга 400 млн. реал (қарийб 70,2 млн. доллар)га тушди. Ушбу маблағларнинг бир қисми жамоа қарзларини узишга йўналтирилади.
Таъкидлаш керакки, «Крузейро» — Роналдо сотиб олган иккинчи клуб. Биринчиси — «Валядолид» (Испания).
Роналдо профессионал футболчилик фаолиятини айнан «Крузейро»да бошлаган (1993–1994 йиллар), шундан сўнг Европа майдонларида порлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter