«Реал» Мбаппени сотиб олишга тайёр. Қанча тўламоқчи?
«Реал Мадрид» раҳбарияти «Пари Сен-Жермен» ва Франция терма жамоаси ҳужумчиси Килиан Мбаппени сотиб олиш фикридан ҳамон қайтмаган. Ёзги трансфер ойнасида ўзаро битим имзоланиши мумкин.
Abc.es ёзишича, мадридликлар Мбаппе учун «ПСЖ»га 220 миллион евро тўлашга рози.
Мбаппе ўтган ёзда, парижликлар билан шартномаси муддати тугаганидан сўнг, «Реал»га ўтишга яқин эди. Ўшанда ҳам испанлар уни қўлга киритиш учун жон-жаҳдлари билан курашаётган, бироқ якунда Мбаппе Парижда қолишни ихтиёр қилганди.
Мбаппенинг «ПСЖ» билан ҳозирги шартномаси 2025 йилнинг 30 июнигача тузилган. Transfermarkt портали уни 180 миллион еврога баҳоламоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter