Ирландияда 2020 йилнинг «энг яхши голи»га номзод чиқди (видео)
«Дандолк» ФК яримҳимоячиси Жордан Флорес «Шемрок Роверс» дарвозасига киритган гол (Ирландия чемпионати 4-тури) ФИФА назарига тушди.
Ҳисоб рақиб фойдасига 1:0 бўлиб турган бир пайтда, ўйиннинг 22-дақиқасида «Дандолк» футболчилари бурчак тўпи ишлашди. Бурчакдан оширилган тўп тўппа-тўғри Флореснинг оёғига келиб тушди ва у бир зарбада тўпни рақиб дарвозасининг узоқ юқори бурчагига жойлаб қўйди.
Флореснинг голи ФИФА томонидан ҳам эътироф этилди, эҳтимолки бу голи билан у 2020 йилги Ференц Пушкаш мукофотини қўлга киритар.
Бироқ ҳатто энг чиройли гол ҳам ғалаба дегани эмас: шу куни ғолиблик «Шемрок Роверс»га насиб этди: 3:2.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter