«France Football» журнали фаолиятини тўхтатди
Футбол оламининг энг машҳур нашрларидан бири — «France Football» журнали молиявий қийинчиликлар сабабли фаолиятини тўхтатди. Бу ҳақда «Вести» хабар берди.
1946 йилдан бери чоп этилаётган «France Football» дунёдаги энг нуфузли нашрлардан саналади. Журнал 1956 йили Европанинг энг яхши футболчиси учун «Олтин тўп» совринини жорий этган. Орада кўплаб ўзгаришларга учраган ушбу соврин ҳар йили топшириб келинган, 2020 йилда, коронавирус пандемияси туфайли, «Олтин тўп» топширилмайдиган бўлди.
«France Football» журнали ёпилишига молиявий қийинчиликлар сабаб бўлди, энди у «L'Équipe» газетасининг иловаси сифатида чиқади. Журналнинг 56 нафар ходими қисқартиришга тушган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter