Ниҳоят мухлислар узоқ кутган катта футбол байрами етиб келди: бугун оқшом Европа Чемпионлар лигаси плей-офф (1/8 финал) ўйинлари бошланади.

Бу оқшом икки марказий ўйинга гувоҳ бўламиз:  «ПСЖ» — «Бавария», «Милан» — «Тоттенҳэм» қарама-қаршилиги.

Шубҳасиз, Парижда турнирнинг энг кескин ва қизиқарли учрашувини кўрамиз. Ўйин арафасида мезбонлар таркибида муаммолар борлиги айтилаётганди. Кечаги матбуот анжуманида Кристоф Галтье («ПСЖ», бош мураббий) жамоа етакчилари Лионел Месси ва Килиан Мбаппе машғулотларга қайтганини ва ўйин қайдномасига киритилганини маълум қилди. Шунга қарамасдан, Мбаппе майдонга туширилиши 100 фоиз аниқ эмас.

Мюнхенликлар эса Нойер ва Манедек етакчиларисиз тўп суришга мажбур. Йўқотишлар чиройли ўйинга халақит бермайди дея умид қиламиз.

«Сан-Сиро»да лондонликларга осон бўлмайди: 4 ўйиндаги кетма-кет мағлубиятдан кейин ниҳоят «Милан» «Торино»ни кичик ҳисобда енгиб бўлса-да, ўзига келиб олди. «Тоттенҳэм» эса, аксинча, АПЛдаги сўнгги турда «Лестер»дан қақшатқич зарбага учради (1:4). Ўз ватанига ажнабийларга бош бўлиб келаётган Антонио Контега ҳар томонлама қийин.

Хуллас, бугун икки ўйин, икки хил вазият: бирида «муаммосиз» (деярли), иккинчисида «муаммоли» жамоалар тўқнашади. Хуллас, кучлар, имкониятлар деярли тенг — ҳақиқий спорт.

ЕЧЛ. 1/8 финал

«ПСЖ» — «Бавария»

Бошланади: 01:00, 15.02.2023 (Ўзбекистон вақти)

ТВ-трансляция: Спорт телеканали 

«ПСЖ»: Доннарумма; Данилу, Маркиньос, Рамос; Ҳакими, Верратти, Фабиан Руис, Нуну Мендеш, Витиня, Месси, Неймар

Ўйнамайди: Мюкиле (жароҳат), Ренату Саншеш (жароҳат)

Сўроқ остида: Мбаппе (жароҳат)

«Бавария»: Зоммер; Канселу, Упамекано, Де Лигҳт, Дэвис; Киммих, Горецка, Сане, Мусиала, Коман, Мюллер

Ўйнамайди: Нойер (жароҳат), Эрнандес (жароҳат), Мане (жароҳат), Мазрауи (бетоб), Ваннер (бетоб)

«Милан» — «Тоттенҳэм»

Бошланади: 01:00, 15.02.2023 (Ўзбекистон вақти)

ТВ-трансляция: Ёшлар

«Милан»: Миранте; Калабрия, Калюлю, Томори, Салемакерс, Тонали, Крунич, Тео Эрнандес; Браим Диас, Рафаэл Леау, Жиру

Ўйнамайди: Флоренци (жароҳат), Беннасе (жароҳат)

«Тоттенҳэм»: Форстер, Ромеро, Дайер, Дэвис, Эмерсон, Скипп, Сарр, Перишич, Кулусевски, Кейн, Сон

Ўйнамайди: Ҳейбёрг (дисквалификация), Бентанкур (жароҳат), Льорис (жароҳат), Сессеньон (жароҳат), Биссума (жароҳат).