Андроид қурилмалар учун Xabar.uz мобил иловаси. Юклаб олиш ×

Президент Японияда Нагоя мэрини қабул қилди

Президент Японияда Нагоя мэрини қабул қилди

Фото: Президент матбуот хизмати

Расмий ташриф билан Нагоя шаҳрида бўлиб турган Ўзбекистон Республикаси президенти Шавкат Мирзиёев ушбу шаҳар мэри Такаси Кавамура билан учрашув ўтказди. Бу ҳақда давлатимиз раҳбарининг матбуот хизмати хабар берди.

Учрашувда Нагоя мэрияси делегациясининг Ўзбекистонга ташрифи натижасида эришилган келишувларни амалга ошириш масалалари муҳокама қилинди.

Фото: Президент матбуот хизмати

Пойтахтимиз Тошкентда Нагоя юқори технологиялар паркини ташкил этиш, иқтисодиёт, саноат, транспорт, таълим, туризм ва бошқа устувор йўналишларда инновацион лойиҳаларни амалга ошириш шулар жумласидан.

2020 йилга мўлжалланган қўшма тадбирлар «йўл харитаси»ни ишлаб чиқишга келишиб олинди.

Учрашув сўнгида Тошкент ҳокимлиги ва Нагоя мэрияси ўртасида Шериклик тўғрисида битим имзоланди.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг