Коста-Рикага ютқазиб қўйган Япония учун гуруҳдан чиқиш масаласи оғирлашди
Қатардаги жаҳон чемпионатининг 2-туридан ўрин олган бугунги кун ўйинларини Япония ва Коста-Рика бошлаб берди.
Биринчи турда Германияни мағлуб этиб шов-шув кўтарган японлар кутилмаганда коста-рикаликларга ютқазиб қўйиб, ўзлари учун гуруҳдан чиқиш масаласини оғирлаштириб қўйишди. Ўйиндаги ягона голни коста-рикаликлар 81-дақиқада киритишди. Япония сўнгги турда Испанияга қарши ўйнайди.
ҚАТАР-2022. E ГУРУҲИ. 2-ТУР
Япония – Коста-Рика – 0:1
Гол: Кейшер Фуллер (81).
Уч очко билан Коста-Рика терма жамоаси E гуруҳида 3-ўринга кўтарилди. Уч очкога эга Япония 2-ўринда. Худди шунча очко билан Испания гуруҳ етакчиси, бироқ битта кам ўйин ўтказган. Германия терма жамоаси ҳозирча аутсайдер вазифасини бажаряпти (0).
Гуруҳнинг ва турнирнинг энг муҳим қарама-қаршиликларидан бирига бугун тунда гувоҳ бўламиз: Германия ва Испаниянинг ўзаро ўйини соат 00:00 да бошланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter