Kosta-Rikaga yutqazib qo‘ygan Yaponiya uchun guruhdan chiqish masalasi og‘irlashdi
Qatardagi jahon chempionatining 2-turidan o‘rin olgan bugungi kun o‘yinlarini Yaponiya va Kosta-Rika boshlab berdi.
Birinchi turda Germaniyani mag‘lub etib shov-shuv ko‘targan yaponlar kutilmaganda kosta-rikaliklarga yutqazib qo‘yib, o‘zlari uchun guruhdan chiqish masalasini og‘irlashtirib qo‘yishdi. O‘yindagi yagona golni kosta-rikaliklar 81-daqiqada kiritishdi. Yaponiya so‘nggi turda Ispaniyaga qarshi o‘ynaydi.
QATAR-2022. E GURUHI. 2-TUR
Yaponiya – Kosta-Rika – 0:1
Gol: Keysher Fuller (81).
Uch ochko bilan Kosta-Rika terma jamoasi E guruhida 3-o‘ringa ko‘tarildi. Uch ochkoga ega Yaponiya 2-o‘rinda. Xuddi shuncha ochko bilan Ispaniya guruh yetakchisi, biroq bitta kam o‘yin o‘tkazgan. Germaniya terma jamoasi hozircha autsayder vazifasini bajaryapti (0).
Guruhning va turnirning eng muhim qarama-qarshiliklaridan biriga bugun tunda guvoh bo‘lamiz: Germaniya va Ispaniyaning o‘zaro o‘yini soat 00:00 da boshlanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter