Бугун ижтимоий тармоқларда антиқа диалогли видеолавҳа тарқалди. Унда йўл инспекторининг ҳайдовчи билан суҳбати ёзилган. 

Ҳайдовчи: «Ҳайдаб ўтяпман... светафорда тўхтаяпман, кўк ёниб турипти... Кўкка келиб тўхташим керакми, менам?»

Инспектор: «Светафорнинг, биринчидан, кўк ранги бўлмайди, ҳурматли ҳайдовчи.»

Ҳайдовчи: «Яшил, яшил ёниб турибти... Тепада... яшил...»

Инспектор: «Ҳа, яшил. Яшилда нима қилиш керак, тўхташ керакми?.. Сиз, менга қаранг, ҳурматли ҳайдовчи, светафорнинг қайси ишорасида нима қилиш кераклигини биласизми?..»

Ҳайдовчи: «Қизилга келгунимча яшил ёниб қоляпти...»

Инспектор: «Яшилда тўхтадингизми кейин?»

Ҳайдовчи: «... Қизил ёниб қолдику.»

Инспектор: «Бу нима дегангиз, сиз менга ҳозир икки-уч хил гап гапиряпсиз. Яшилда нима қилиш керак ҳайдовчи?»

Ҳайдовчи: «Тўхташ керак.»

Инспектор: «Яшилда тўхташ керак-а? Қизилда юриш керак?»

Ҳайдовчи: «...»

Инспектор: «Ҳурматли ҳайдовчи, бўлди, тушунарли. Сиз олдин светафорнинг қайси ишорасида ҳаракатланиш кераклигини ўрганиб олинг...»

Ушбу воқеа қачон ва қайси вилоятда содир бўлгани маълум эмас.