Ургутда 20 тонналик юк машинаси ёниб кетди, жабрланган бор
Бугун, 10 апрел куни Самарқанд вилояти ФВБга Ургут туманида жойлашган «Қорабулоқ» МФЙ ҳудудидаги газ қуйиш шохобчаси ҳудудида ёнғин содир бўлгани ҳақида хабар келиб тушди.
Бу ҳақда Фавқулодда вазиятлар вазирлиги хабар берган.
Айтилишича, ёнилғи сиғими 20 тонна бўлган юк машинаси ёниб кетган. Зудлик билан воқеа жойига ФВВ вилоят бошқармасининг 4 та ёнғин-қутқарув гуруҳи етиб келган.
Ҳодиса оқибатида бир киши жароҳат олди. У яқин тиббиёт муассасасига жойлаштирилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter