Украинага қарши жангларда 600 га яқин шимолий кореялик ҳалок бўлган
Россия томонида туриб жанг қилган 600 га яқин шимолий кореялик ҳарбийлар Украинага қарши жангларда ҳалок бўлган.
Reuters агентлигининг Жанубий Корея парламенти миллий разведка қўмитаси аъзоси Ли Сон Квондан иқтибос келтиришича, йил бошидан бери Россияга аввалроқ юборилган 2 мингга яқин ҳарбий Шимолий Кореяга қайтарилган. Жанубий Корея разведкаси Украинага қарши кечаётган уруш майдонларида КХДР контингентининг умумий сонини 15 мингтага баҳоламоқда.
Сеулдан олинган маълумот Пхеньян ва Москва КХДР аскарларининг Курск вилояти учун жангларда иштирок этишини расман тасдиқлаганидан кўп ўтмай пайдо бўлди. Россия президенти Владимир Путин Шимолий Кореяга ёрдам учун миннатдорчилик билдирди. Унинг иттифоқчиси Ким Чен Ин ўз аскарларининг жангларда иштирок этишини «муқаддас миссия» деб атади ва уларга ёдгорлик ўрнатишга ваъда берди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter