УЕФА йилнинг энг яхши ўйинчиси бўлишга номзод ўйинчилар номини эълон қилди. Фахрий шорт-листга «Барселона» сардори Лионель Месси, «Ювентус» етакчиси Криштиану Роналду ҳамда «Ливерпуль» мудофаа устуни Виржил ван Дейк киритилди.

✨NOMINEES: 2018/19 UEFA Men's Player of the Year✨

⭐️ Leo Messi
⭐️ @Cristiano Ronaldo
⭐️ @VirgilvDijk

🗓️ #UEFAawards winners announced at the #UCLdraw, 29 August 🏆 pic.twitter.com/SLaIUWH62p

— UEFA Champions League (@ChampionsLeague) 15 августа 2019 г.

• Месси ўтган мавсумда ЧЛнинг энг яхши тўпурурари ва «Олтин бутса» соҳиби бўлиб, футболчи сифатида 10-маротаба Ла Лига чемпионига айланди.
• Роналду Миллатлар лигасидаги дебютни ютиб, финал босқичининг энг яхши тўпурари бўлди, илк маротаба «А» серия чемпионлигини нишонлади.
• Ван Дейк Чемпионлар лигаси ғолиби ва финалнинг энг яхши ўйинчиси, қолаверса, Миллатлар лигаси ва АПЛ вице-чемпиони бўлди.

УЕФАнинг бошқа мукофотларига номзодлар номи ҳам эълон қилинди:

• Чемпионлар лигаси энг яхши дарвозабони: Алисон, Уго Льорис, Марк-Андре тер Стеген
• Чемпионлар лигаси энг яхши ҳимоячиси: Трент Александер-Арнольд, Виржил ван Дейк, Маттейс де Лигт
• Чемпионлар лигаси энг яхши яримҳимоячиси: Френки де Йонг, Жордан Ҳендерсон, Кристиан Эриксен
• Чемпионлар лигаси энг яхши ҳужумчиси: Садио Мане, Лионель Месси, Криштиану Роналду
• Европа лигаси энг яхши ўйинчиси: Эден Азар, Оливье Жиру, Лука Йович
• Йилнинг энг яхши аёл футболчиси: Амандин Анри, Люси Бронз, Ада Хегерберг

Барча мукофот эгаларининг номи 29 август куни Монакода — Чемпионлар лигаси гуруҳ босқичига қуръа ташлаш маросимида аниқ бўлади.