Учтепа тумани юқори тузилмаларида бир қанча тайинловлар амалга оширилди. Бу ҳақда Тошкент шаҳар ҳокимлиги матбуот хизмати хабар берди. 

Фарҳод Абдуллаев Равшанович Тошкент шаҳар Учтепа тумани ҳокими этиб тайинланган. У шу вақтга қадар 35-Тузел сайлов округи депутати, коммунал хужалик ва атроф мухитни мухофаза килиш масалалари буйича доимий раиси булганди.

Рустам Аширматов Маҳмуджанович Учтепа тумани давлат солиқ инспекцияси бошлиғи лавозимини эгаллади. У 2017-2019 йилларда Тошкент вилояти, Ангрен шаҳри давлат солиқ инспекцияси бошлиғи бўлган.

Жобир Азимов Одилович Учтепа тумани прокурори этиб тайинланди. У шу вақтгача Самарқанд вилояти прокурорининг ўринбосари лавозимида ишлаб келаётганди.

Сайфулло Аҳмедов Негматович Учтепа тумани бўйича ички ишлар органлари фаолиятини мувофиқлаштириш бошқармаси бошлиғи бўлди. У 2018-2019 йй. Тошкент шаҳар ИИББ Жиноят қидирув бошқармаси бошлиғининг ўринбосари – гиёҳвандлик воситалари билан қонунга хилоф равишда муомала қилишга қарши курашиш бўлими бошлиғи лавозимида фаолият кўрсатган.