Бугун «Ucell» алоқа компанияси бош офисида «Apex Insurance» суғурта компанияси  меморандум имзолаш маросими ўтказилди. 

Меморандумни томонлардан «Ucell» бош директори вазифасини бажарувчи Владимир Кравченко ва «Apex Insurance» МЧЖ бош директори Тимур Саидовлар имзолади. 

Шунингдек, уяли алоқа хизматлари ва суғурталаш каби соҳалар ривожланишининг замонавий ғоялари ҳақида кенг кўламли фикрлар алмашинуви бўлиб ўтди. 

«Ucell» бош директори вазифасини бажарувчи Владимир Кравченконинг айтишича, компания мамлакатдаги йирик алоқа оператори сифатида барча учун фойдали бўлишга интилмоқда. Айни вақтда компания мижозлари сони 7,5 миллиондан ошиб кетди, интернетдан фойдаланиш эса икки бараварга кўпайди. 

«Apex Insurance» МЧЖ мамлакатимиздаги йирик суғурта компанияларидан бири саналиб, республика бўйлаб 42 та филиалида 115 киши меҳнат фаолиятини олиб боради. Компания Ўзбекистоннинг суғурта тақдим этувчи бозорида қайта суғурталаш фаолиятини олиб борувчи ўнта суғурта компаниялар рўйхатига киради.