Тошкентда автобус қарама-қарши йўналишда ҳаракатланди
Ижтимоий тармоқларда Тошкент шаҳрида автобус қарама қарши тарафдан ҳаракатлангани акс этган видео тарқалди. Мазкур ҳолат юзасидан Тошшаҳартрансхизмат расмий маълумот берди.
Қайд этилишича, мазкур ҳолат жорий йилнинг 28 август куни «1-Автобус саройи» филиалига бириктирилган «King Long» русумли, давлат рақами 01|824 LKA бўлган 93-сонли «Food city савдо мажмуаси - Юнусобод мавзеси 9-даҳа» автобус йўналиши ҳайдовчиси О.Р. томонидан амалга оширилган.
Ҳозирда мазкур қоидабузарликка нисбатан Тошкент шаҳар Ички ишлар бош бошқармаси Йўл ҳаракати хавфсизлиги ходимлари томонидан маъмурий баённома расмийлаштирилиб, қоидани бузган автобус ҳайдовчиси жаримага тортилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter